Pasrah Penganten

Pasrah Temanten (Ngundhuh Mantu)

Assalamu’alaikum wr.wb

Linambaran kanthi hamemuji konjuk ngarsaning Gusti Allah SWT, mugi kula lan panjenengan sedaya pinaringan rahayu slamet. Amin

Nuwun, Panjenenganipun Bp.........minangka wakil saking Bp Ibu...........ingkang winantu ing suka basuki.

Linambaran kanthi ngunjukaken puji syukur wonten ngarsa dalem Gusti Allah SWT, Dzat Ingkang Maha Suci, kula pun...........minangka wakil saking panjenengan Bp Ibu...........sekaliyan, kepareng matur wonten ngarsa panjenengan :

Sepisan :

Awit berkah pangestu panjenengan lampah kula wiwit saking griya...........ngantos dumugi ing dalem ngriki, lancar gangsar nir baya nir sangsaya.

Kaping kalih :

Panjenenganipun Bp.........sekaliyan, ngaturaken salam taklim katur panjenenganipun Bp.........sekaliyan, mugi katampia kanthi suka renaning penggalih.

Kaping tiganipun :

Menggah wigatosipun sowan kula sakbrayat menika, namung masrahaken penganten sarimbit nun inggih nakmas bagus............lan nimas ayu............wonten ngarsanipun Bp..............sekliyan garwa.

Kanthi menika mugi katampia kanthi suka renaning penggalih.

Kajawi kasuwun ngrengkuh kados putranipun pribadi, ugi kersoa nggulawenthah, nenuntun lan maringi pitedah-pitedah dhumateng penganten sakrimbit murih saged gesang ingkang mulya, tentrem ayem, guyub rukun ngantos kaken-kaken lan ninen-ninen.

Wasana, kula ingkang minangka wakilipun Bp Ibu..........sekaliyan, wonten atur kula ingkang kirang nuju prana, kula nyuwun agunging samodra pangaksama. Nuwun

Wassalamu’alaikum