Pamulangan
Jare simbah aku kudu sekolah
Ben dadi bocah nggenah ra nggladrah
Jare rama ibu aku kudu sregep
mangkat
Ben dadi wong pangkat, urip ora
mlarat
Jare bapak ibu guru aku kudu sinau
Tambah ilmu, ben kalakon kabeh kang
tinuju
Nanging,
Coba delengen kahanan nyata
Apa isih bisa pamulangan ndadekaken
urip tumata?
Pamulangan kang tanpa tuladha
Pamulangan kang kasatan piwulang
Pamulangan kang ngajarake
angka-angka wuta
Siji lan siji ana pira?
Jare anut kang duwe kersa
Jan ora weruh subasita, trapsila,
apa maneh tata krama
Kabeh lurung binarung kumalungkung
Pamulangan ora weruh pepadhang
Simbah,
Nyuwun pangapunten
Kula boten kepingin dados dokter
Jalaran duite bapak boten wonten
sakoper
Rama,
Nyadong duka
Kula boten kepilut drajat lan
pangkat
Jalaran ajrih sumpahing rakyat
Kang panggah mlarat sekarat
Bapak ibu guru,
Nyuwun donga pangestu
Muga-muga sedaya ilmu saged dados
sangu
Tidak ada komentar:
Posting Komentar