IBU

KIDUNG KANGGO IBU

Dening : Gea Kistina

Ibu lilakna putramu ngumbara
Maguru ing samudra ilmu
Ngrubuhake gunung ngasatake samodra
Ngranggeh lintang ing wiyati

Ibu lilakna putramu ngumbara
Ngrasakake rekasaning urip
Ngregem donya ing ngastaku
Nyigar rembulan ing sakedheping netra

Sanajan kudu nyabrang samodra rob
Sanajan kudu nglumpati segara agni
Sanajan kudu njugrugake arga mas
Aku bakal bali ing pangkonmu ibu

Nalika sang bagaskara wis angslup
Ing sawaliking gunung
Nalika hyang ratri
Wis ora ngegungake kekuwasane
Aku bakal bali ing pangkonmu ibu

Ibu wengi iki dakdhodhog korining atimu
Mangga bebarengan nyawang cumloroting teja
Ndandani urip ing tembe mburi
Sumungkem marang ibu pertiwi