Indhonesia

Dening Setiani Supriyatin

Indhonesia, kuwi jenengmu

Pancasila, kuwi dhasarmu

Abang putih, kuwi warna benderamu

Bhineka Tunggal Ika, kuwi semboyanmu

Manuk Garudha, kuwi lambangmu

Indhonesia Raya, kuwi tembangmu

Ir. Soekarno, kuwi presiden pertamamu

17 Agustus 1945, kuwi tanggal mardhikamu

Negara maritim, kuwi sebutanmu

Jakarta, iku ibukotamu

Sabang lan Merauke, kuwi wates-watesmu

Aman lan sentosa, iku dongane rakyat kanggo awakmu

Tuladha Pranatacara Seminar

Assalamu’alaikum wr.wb.

Katentreman, kawilujengan, saha kamulyan mugi kajiwa kasarira wonten ngarsa kula panjenengan sedaya, waradin sagung dumadi.

Panjenenganipun Bapak Prof. Dr. Sudijono Sastroatmodjo, M.Si. Rektor UNNES ingkang dhahat sinudarsana.

Panjenenganipun Bapak Prof. Dr. Masrukhi, M.Pd, Pembantu Rektor Bidang kemahasiswaan ugi minangka pemateri wonten adicara siang menika ingkang tansah kinurmatan.

Bapak saha Ibu dosen ingkang winantu ing kamulyan, para kadang mahasiswa-mahasiswi UNNES ingkang sanget kula tresnani.

Pinurwakan kanthi muji syukur wonten ngarsanipun gusti Allah SWT, Ingkang MahaMirah lan Asih, ingkang sampun paring pinten-pinten kanikmatan, kabahagyan saha katentreman…katitik ing wekdal punika, kula panjenengan sedaya saged makempal wonten ngriki, kanthi mboten wonten alangan satunggal punapa.

Nuwun sanggyaning para tamu kakung putri ingkang winantu ing kamulyan. Keparenga kula cumanthaka marak sowan, wonten ngarsa panjenengan sedaya, awit ngemban dhawuh saking pamangku gati, supados nglantaraken rantaman adicara wonten siang punika:

Sepisan                        : Pambuka

Kaping kalih                : Atur pambagyaharja saking pangarsa panitya dening        Bapak Dr. Amin Yusuf, M.Si.

Kaping iganipun          : Tanggap sabda saking Rektor Unnes panjenenganipun

                                      Bapak Prof. Dr. Sudijono Sastroatmodjo, M.Si.

Kapingsekawan           : Seminar kanthi irah-irahan “Budaya Sebagai Fondasi

Pendidikan Karakter” dening

Bapak Prof. Dr. Masrukhi M.Pd

Kaping gangsal           : Tanya winangsulan

Kaping nenem             : Panutup

BapakIbu saha para tamu sedaya ingkang winantu ing pakurmatan.

Mekaten rantaman adicara wonten seminar siang punika.

Wasana sakderengipun acara seminar dipunwiwiti, mangga sareng-sareng maos Basmallah rumiyin: Bismillahirrohmanirrohim.

Bapak saha ibu ingkang kinabekten,

Mengah titilaksana adicara selajengipun nun inggih: Atur pambagyaharja saking Pangarsa Panitya, katur panjenenganipun Bapak  Dr. Amin Yusuf, M.Si. kula sumanggakaken, nuwun.

Tembang Megatruh

Cakepan Megatruh Laras Pelog Pathet Barang

 7          5       6       7     7      6      7       5     2       2     32      7

Mang – ka   nya – ta   wi – ca – ra – ne   se – pet   ma - du

7       7      7       7     6    67     5      765

Se – sa – do – ne   a – du   ma -   nis

 

2         3       5      5      5      6        7      6
Me – ma  - ni – se   yen   gu – mu - yu
 

3      2    2       2       3       56        2     327

A – yu   ra – ha – yu – ning   dhi -   ri
 5         6        6        6         7    5      65     32
Wi – dag – da   ngang   git   le –  la  - kon

Donga

Donga

Gusti Allah ingkang Maha Wikan

Dalu punika

Sami kaliyan dalu-dalu sanesipun

Ketingal latu mangah-mangah

Lava pijer ing redi Merapi dumeler

Kados dene lepening latu

Ingkang tansa mili tanpa kendhat

Ing pucuking redi

Kebak sela, wedhi, punapa dene toya

Sampun cepak badhe ngileni lepen sakiwa tengeneipun

Ugi, wedhus gembel sawanci-wanci saged medal

Saengga badhe nggosongake menapa kemawon ingkang              keliwatan

Malah saged-saged ndumungekaken pralaya

  

Ananging

Rinten dalu kula tansah mbegegeg ing mriki

Saerenging redi

Nyawiji kaliyan redi

Boten lila menawi kedah ngungsi

Awit sampun kados sedherek sinara wedi

Naming panyuwun kuwula

Mugi panjenengan paring keslametan

Samangsa merapi nguntahaken isining bantala

Amrih sedaya ingkang gesang wonten dhusun asri unika

Pinaringan waluya jati

Amin.

 
Pustaka candra, No.7, Oktober 2006